ఎంత మంచోడివి మావయ్యా !
నువ్వు నాకు దేవుడివే మావయ్యా !
నీకు కులం గోత్రం ఆచారం
సంప్రదాయం అన్నీ కావాలి
కనుకే ,
ఒకటికి పదిసార్లు మాఇంటిచుట్టూ తిరిగి
కట్నమిచ్చి , కాళ్ళు కడిగి
మరీ కన్యాదానం చేశావు .
అదే నీ తిక్క కూతుర్ని.... వలేసి.....వెంటబడి...
బీటేసి ......... పడేసి ......
పెళ్ళాడాలంటే నా తరమా మావయ్యా ?
అల్లుడాఫీసరనే
నలుగుర్లో పేరుకోసం
నన్ను సంతలో
కొనేశావు మావయ్యా !
నా గొంతు కోసి
పాడేశావ్ మావయ్యా !
నీకు జడిసే కదా నన్ను ఏమండీ .......
అని పిలుస్తుంది !
ఏరా అనడానికి ఎంత సేపులే మావయ్యా !
నీకు భయపడే కదా మామయ్యా ,
నాకు నాలుగు మెతుకులు వండి పెట్టేది !
లేపోతే ఎప్పుడో నన్ను చైనీస్ మెక్సికన్ ఇటాలియన్ క్యూసిన్లలో
ఆరితేరిన షెఫ్ గా మార్చేసేది !
ఒక్కమాట , అడగకుండా
ఉండలేకపోతున్నాను మావయ్యా !
ఆడపిల్లల్ని కనేసి
వాళ్లకి ఫ్యాంట్లూ షర్టులూ తొడిగి
ఏరా ఒరే అని పిలుస్తూ
హాస్టళ్ళలో చదివించి
స్కూటీలు కొనిచ్చి ,
బేగ్గుల నిండా డబ్బులు కుక్కి
మగరాయుళ్ళలా పెంచి
మా నెత్తిన పడేసి , నీ చావేదో నువ్వే చావంటే
ఎలా చచ్చేది మావయ్యా ?
దానికి చీర కట్టి , తల దువ్వి జడవేసి
సరిచేసి , శృతి చేసి
నానా తంటాలూ పడి , మళ్ళీ
ఆడదానిగా మార్చడానికి ,
జీవితం సరిపోయేలా ఉంది మావయ్యా !
బతుకు బస్టాండు మావయ్యా !
సంతోషం షెడ్డుకే మావయ్యా !
No comments:
Post a Comment