Kabhi khamosh baithogi Kabhi kuch gungunaogi
Main utna yaad aaunga Mujhe jitna bhulaogi


Padoge khat kabhi mere Kabhi tasveer dekhoge
Kabhi hatho mein jo likhi hai Wo taqdeer dekhoge
Likhogi kuch hatheli par Padogi kuch kitaabo mein
Nazar aaunga main tumko Sawaalo mein jawabo mein

Kabhi tum muskuraogi Kabhi aansu bahaogi
Kisi se kuch chhupaogi Kisi ko kuch bataogi

Kabhi khamosh baithoge Kabhi kuch gungunaoge
Main utna yaad aaungi Mujhe jitna bhulaoge


Mere sine pe sar rakh kar Gujari hai kai raate
Bhula sakti ho tum kaise Wo pal pal ki mulakate
Nayi raato mein tum aksar Purane din talashoge
Koi chehraa bhi mil jaaye Mera chehraa tarashoge

Meri tasveer phenkoge Na mere khat jalaoge
Diya apne sirahne ka Jalaoge bhujaoge


Kabhi khamosh baithogi Kabhi kuch gungunaogi
Main utna yaad aaunga Mujhe jitna bhulaogi